இது காந்தியக்குணம் இல்லை மேடம்
மேதாபட்கர்! த।நீதிராஜன்

சர்வாதிகாரி இட்லர் நடத்திய சித்திரவதை முகாம் போல மேற்கு வங்கத்தின் நந்திகிராமம் பகுதி இருக்கிறதாம் ।நர்மதா அணைத்தடுப்பு இயக்கத்தலைவர் மேதாபட்கர் கூவியிருக்கிறா



ஆணாதிக்க கொடுமைகள் நிறைந்த இந்திய சமூகத்தில் ஒரு போராளியாக அவர் வலம் வருவதை பார்த்து பெருமிதம் கொள்ளும் கம்யூனிஸ்ட் தோழர்களை பார்த்துத்தான் இவ்வாறு சொல்லியிருக்கிறார்.
மேற்கு வங்க அரசை எதிர்த்து ஆளுநரிடம் புகார்மனு அளித்துவிட்டார்.மத்திய அரசு தலையிட வேண்டும் என அறிக்கை விட்டுவிட்டார்.தேசிய மனித உரிமை கமிஷனுக்கு போவாராம்.சர்வதேச செஞ்சிலுவை சங்கத்தை நந்திகிராமத்திற்கு வரவழைப்பாராம்.இந்திய நாட்டின் மனச்சாட்சியை தட்டி எழுப்பப்போகிறாராம்.நவம்பர் 14அன்று கல்கத்தாவில் பேரணி நடத்தப்போகிறாராம்.
எல்லாம் எதற்காக? சில மாதங்களாக அமைதியாக இருந்த மேதாபட்கருக்கு நந்திகிராமம் மக்கள் மீது என்ன திடீர் என்று ஆவேச அன்பு?
சில தினங்களுக்கு முன்பாக அரசு நிர்வாகத்துக்கும், திரிணமுல் காங்கிரஸ் ஆதரவு பெற்ற பூமிபாதுகாப்புக்குழவுக்கும் இடையே உடன்பாடு ஏற்பட்டுள்ளது. அதன்படி, வன்முறையில் உயிரிழந்தோர் குடும்பத்துக்கு தலா இரண்டு லட்சரூபாய் உதவி, தவறிழைத்த போலீஸ் அதிகாரிகள் மீது நடவடிக்கை, காவல்துறை பதிவு செய்துள்ள வழக்குகளை பரிசீலிப்பது, பாதிக்கப்பட்ட அனைவரையும் மீண்டும் அவரவர் இருப்பிடங்களுக்கு கொண்டு சேர்ப்பது, தகர்க்கப்பட்ட பாலங்களை சீரமைத்து மீண்டும் சகஜ நிலையை கொண்டுவருவது என்று இருதரப்பும் ஒப்புக் கொள்ளப்பட்டுள்ளது.
8.11.2007 அன்று மாவட்ட நீதிபதி பி.என்.அகர்வால், பூமி பாதுகாப்புக்குழு தலைவரும், திரிணமுல் காங்கிரஸ் எம்எல்ஏயும் ஆன சுபேந்து அதிகாரி இடையே சந்திப்பு நடந்தது. மக்களின் ஆதரவை இழந்துவரும் திரிணமுல் கட்சியினர் இந்த உடன்பாட்டின் மூலம் தங்களை காப்பாற்றிக் கொள்ள வழி கிடைத்துவிட்டதாக திருப்தியடைந்து விட்டனர்.
இந்த உடன்பாட்டை அமலாக்குவதற்கு மாநில அரசு செய்யும் நடவடிக்கைகளின் விளைவாக நந்திகிராமம் பகுதி மாநில அரசின் கட்டுப்பாட்டுக்குள் வருகிறது. பூமி பாதுகாப்புக்குழு என்ற போர்வையிலும், மாவோயிஸ்டுகள் என்ற போர்வையிலும் ஆயுதம் ஏந்திக் கொண்டு வன்முறைகளில் ஈடுபடுவோர் தனிமைப்பட்டு வருகின்றனர்.
இதைத்தான் மேதாபட்கர் மனிதஉரிமை மீறல் என்கிறார் போலத் தெரிகிறது. சுமார் ஒரு வருடமாக நந்திகிராமம் பகுதி இந்த ஆயுதம் தாங்கிய வன்முறையாளர்கள் கட்டுப்பாட்டில்தான் இருந்தது. இவர்களால் பாதிக்கப்பட்ட சிபிஎம்முக்கு ஆதரவான ஏழைமக்கள் நந்திகிராமத்தின் எல்லையோரங்களில் சுமார் ஆறாயிரத்துக்கும் மேற்பட்டோர் அகதிகளாக உள்ளனர். அவர்களின் வீடு, உடமைகள் தொழில் அழிந்துவிட்டது. குழந்தைகள் படிப்பு வீணாகிவிட்டது. எப்போது நிவாரண முகாம் மீது தாக்குதல் நடக்குமோ என்ற அச்சத்தில் வாழ்ந்து வருகின்றனர்.அவர்களுக்கும் துன்பம் உண்டு. சும்மா ஒரு மனித நாகரிகத்துக்காகவாது அவர்களுக்கு ஆதரவாக மேதாபட்கர் குரல் கொடுத்தது கிடையாது. திரிணமுல் காங்கிரசு ஆகட்டும், சிபிஎம் ஆகட்டும், மாவோயிஸ்டுகள் என்று சொல்லிக்கொள்பவர்களாகட்டும் யாராயிருந்தாலும் வன்முறையால் மக்களை வாட்டாதீர்கள் என்று தவறு எப்பக்கம் இருந்தாலும் கண்டிப்பேன் என்ற நிலை மேதாபட்கருக்கு இல்லை.
ஆயிரக்கணக்ககான ஏழைமக்கள் துன்பப்படும்போது வராத மனித உரிமை ஞாபகம், ஒரு சில வன்முறை தீவிரவாதிகள் பாதிக்கப்படும்போது வருவதன் மர்மம் என்ன?

மார்க்சிஸ்ட் கம்யூனிஸ்ட் கட்சியின் தலைவர் ஜோதிபாசு “ நந்திகிராம வன்முறை சம்பவங்களால் சிபிஎம் ஆதரவாளர்களும், திரிணமுல் காங்கிரஸ் ஆதரவாளர்களும் பாதிக்கப்பட்டுள்ளனர். இவர்களுக்கு மீண்டும் பழைய அமைதியான வாழ்க்கையை ஏற்படுத்தி தரவேண்டும்” என்று பேசுகிறார். கம்யூனிஸ்ட்டுகளை பகைவராக கருதுபவர்களுக்கும் மனிதாபிமான உதவிகளை செய்ய நீள்கிறது தோழர் ஜோதிபாசுவின் கை.
ஆனால் மக்களின் துயரத்தை தீர்க்கவே, அவதாரம் எடுத்து வந்ததைப் போல நடந்து கொள்ளும் மேதாபட்கரின் கண்களுக்கு நந்திகிராமத்தின் எல்லையோரங்களில் நிவாரண முகாம்களில் தவிக்கும் துன்பங்கள் மட்டும் தெரியவே மாட்டேன் என்கிறதே ஏன்?
ஆர்எஸ்எஸ் பாசிஸ்ட்டும், குஜராத் மாநில முதல்வருமான நரேந்திரமோடி சிறுபான்மை மக்களை படுகொலை செய்வதில் நேரடியாக தலையிட்டிருந்தான் என்று மீடியாக்கள் சமீபத்தில் அம்பலபடுத்தினவே. குஜராத் மக்கள் பக்கமெல்லாம் மேதாபட்கரின் மனிதாபிமானம் திரும்பமாட்டேன் என்கிறதே ஏன்?
உண்மையை தெய்வம் என்றவர் காந்தியடிகள். காந்திய வழிமுறைகளை மேற்கொள்வது போல காட்டிக்கொள்ளும் மேதாபட்கருக்கு ஏன் உண்மையைக் காண மறுக்கும் நிலை?
மக்களின் துன்பத்தைக் காணமால் இருப்பதும், தனக்கு வேண்டியவர்கள் பாதிக்கப்பட்டால் மட்டும் ஐயோ ஐயோ என்று கூவுவதும், காந்திய குணம் அல்ல. அது பாசிச குணம், மேடம் மேதாபட்கர்!

கவிதைகள்

Angel

இன்பம்!

நேற்று ................
யாரோடும் பேசவில்லை,
வேறெதுவும் சிந்திக்கவும் இல்லை,
நீ போனபிறகு।

உன்னோடு பேசியதால்...
எனது நாவிலும்,செவியிலும்,
மூளையிலும் ஊறிய இன்பத்தை
தேக்கி வைப்பதற்காக!

அமுதமாய் நீ.....

அமுதம்
அருந்தியதால்
பசி என்பதே
கிடையாதாம்
தேவர்களுக்கு।

நானும் தேவனா?

உன்னை நினைத்துக்
கொண்டு இருந்தாலே
பசிப்பதே இல்லையே
எனக்கு!

கவிதைகள்

எங்கு செல்வேன்?

அழகைப்பற்றி அழகாய்
இயல்பு மீறுவதே
கவிதை என்றால்...........

இயல்பாகவே இயல்பு
மீறி இருக்கிறதே உன்
அழகு?

எங்கு செல்வேன்
கவிதைக்கு இனி?

கம்யூனிஸ்ட் ஒழுக்கத்தைப் பற்றி....நடேழ்தா குரூப்ஸ்கயா.

ருஷ்யன் லெனினிஸ்ட் யங் கம்யூனிஸ்ட் லீக்கின் ஆறாவது காங்கிரசில் உரையாற்றியது।ஜூலை 12,1924 கம்யூனிசத்தை கட்டுவதற்கான நமது போராட்டத்தையும், நமது சொந்த வாழ்க்கையும், இணைப்பதற்கு நாம் நாம் முயற்சி செய்தாக வேண்டும்।நமது சொந்த வாழ்க்கையை கைவிட்டாக வேண்டும் என்று இதற்கு அர்த்தம் இல்லை।கம்யூனிசத்துக்கான கட்சி என்பது சாமியார்தனமானதல்ல। அத்தகைய தன்மைக்காக வாதாட வேண்டியதில்லை।ஒரு சமயம் ஒரு தொழிற்சாலையில்,தனது சக தொழிலாளர்கள் இடையே பேசிய ஒரு பெண்”உழைக்கும் பெண் தோழர்களே! நீங்கள் கட்சியில் சேர்ந்த உடனே உங்களது கணவனையும், குழந்தையையும்,கைவிட்டுவிட வேண்டும் என்பதை நினைவில் வைத்துக்கொண்டாக வேண்டும்”என்று பேசியதை கேட்டேன்।இது விசயத்தை அணுகும் முறை இல்லை।இது கணவனையும், குழந்தைகளையும் புறக்கணிக்கிற விசயம் இல்லை।அதற்கு பதிலாக,கம்யூனிசத்துக்கான போராளிகளாக மாறுவதற்கு குழந்தைகளை பயிற்சியளிப்பதாகும்।இப்படி செய்கையில் கணவனும் கூட அப்படிப்பட்ட போராளியாக மாறுகிறார்।சமுதாயத்தின் வாழ்க்கையோடு தன்னுடைய வாழ்க்கையையும் ஒன்றாக கலப்பது எப்படி என்று ஓருவர் தெரிந்து கொள்ள வேண்டியிருக்கிறது। இது மதத்தன்மையுள்ள இறுக்கமான கோட்பாடு அல்ல........................................

1857 புரட்சி பற்றி - மார்க்ஸ் ஏங்கல்ஸ்

கார்ல் மார்க்ஸ் 1853-ம் ஆண்டில், அன்று அமெரிக்காவின் அதிக விற்பனையைக் கொண்டிருந்த செய்திப்பத்திரிகையான ‘நியூயார்க் டெய்லி ட்ரிபியூன்’ ஏட்டின் லண்டன் நிருபராகப் பணியாற்றிய போது, இந்தியாவைப் பற்றி எழுதத் தொடங்கினார்। ‘இந்தியாவில் பிரிட்டிஷ் ஆட்சி,’ ‘இந்தியாவில் பிரிட்டிஷ் ஆட்சியின் எதிர்கால விளைவுகள்’ என்ற, பிற்காலத்தில் மிகப்பெரும் தாக்கத்தை ஏற்படுத்திய இரண்டு கட்டுரைகளில், இந்தியாவின் பழைய சமுதாய முறையையும் பொருளாதாரத்தையும் பிரிட்டிஷ் ஆட்சி எப்படி மூர்க்கமாகச் சீரழித்தது என்பது பற்றியும் அதனால் எப்படி இந்திய மக்கள் சொல்லொனாத் துயரங்ககளுக்கு உள்ளானார்கள் என்பதையும் விவரித்துள்ளார்।அதே நேரத்தில், பிரிட்டிஷ் ஆட்சியாளர்களின் நோக்கம் அதுவல்ல என்ற போதிலும் இந்தியாவில் ஒரு புத்தாக்கத்துக்குத் தேவையான அடிப்படை நிலைமைகளை அவர்களது காலனியாதிக்க ஆட்சி இங்கே உருவாக்கிக் கொண்டிருந்தது என்றும் மார்க்ஸ் சுட்டிக் காட்டியுள்ளார்। அவர் தமது இரண்டாவது கட்டுரையில், ‘‘ஆங்கிலேய நுகத்தடியை வீசியெறியக் கூடிய அளவுக்கு இந்தியர்கள் பலம் பெறுவார்கள்,’’ என்று எழுதினார்। ‘‘பிரிட்டிஷ் ராணுவத்தினரால் அணிதிரட்டப்பட்டு, பயிற்சியளிக்கப்பட்ட உள்நாட்டுப்படையினர் இந்திய மக்களின் விடுதலை எழுச்சிக்கு ஒரு முன்னோடி அறிகுறியாகத் திகழுவார்கள்,’’ என்றும் அவர் எழுதினார்। எதிர்காலத்தில் என்ன நடக்கப் போகிறது என்பதை முன்னுரைப்பவர் போல அவர் எழுதியது அடுத்த நான்கு ஆண்டுகளில் மெய்யானது।